Kumbulla flet për raportet që ka me Mourinhon: Është nder të punoj me të

17:28 | 4 Shkurt 2022
Lorik Gerbeshi

Marash Kumbulla është pjesë e Romës që dy vite dhe ngadalë por me hapa të sigurt po e merr vendin në formacionin bazë.

Pas një fillimi shumë të vështirë këtë edicion nën urdhrat e Mourinhos, Kumbulla ka filluar të luaj rregullisht.

Mbrojtësi shqiptar i është përgjigjur tifozëve të Romës në Twitter në disa pyetje që ata i kanë dërguar.

Fillimisht Kumbulla foli për marrëdhënien që ka me trajnerin Jose Mourinho, ku tha se është nder për të që punon me një trajner kaq të madh.

“Për një futbollist të ri, është një mundësi fantastike që të punosh me një trajner si Mourinho. Po mësoj shumë me të, sidomos nga ana e karakterit”.

“Ndihem mirë me Mourinhon, sepse unë i vlerësoj shumë personat e sinqertë”, tha fillimisht Kumbulla.

Tutje ai u pyet për shokun e skuadrës më të vështirë për tu markuar gjatë stërvitjeve dhe ai zgjodhi dyshen Zaniolo – Abraham.

“Sulmuesit tonë janë shumë të fortë, kështu që po them Zaniolo dhe Abraham”, tha Kumbulla.

Shpërndaje në rrjete sociale

Lajmet më të lexuara

Të ngjashme

Foto lajm